Greatest of Today’ புதிய பிரச்சாரத்துக்காக தமன்னா, லக்ஷ்யாவுடன் இளைஞர் கலாச்சாரத்தை நோக்கி ஸ்பார்க்ஸ்

புது தில்லி, அக்டோபர் 2026: தொடர்ந்து புதியவற்றை உருவாக்கி, ஆராய்ந்து, சோதனைகள் செய்து, தங்களை வெளிப்படுத்திக்கொள்ளும் ஒரு தலைமுறைக்கு, ‘சரியான தருணத்துக்காக’ காத்திருப்பது மெல்ல மெல்லப் பழங்கதையாகி வருகிறது. இந்தியாவின் மிகப் பிரபலமான காலணி பிராண்டுகளில் ஒன்றான ஸ்பார்க்ஸ், இந்தக் கலாச்சார மாற்றத்தையே தனது புதிய பிராண்ட் தளமான ‘Greatest of Today’ (G.O.T.) ஆக மாற்றியுள்ளது. ஸ்டைல் மீது கவனம் செலுத்தும் இளம் நுகர்வோரிடையே பிராண்டின் பொருத்தப்பாட்டை மேலும் வலுப்படுத்தும் நோக்கில் உருவாக்கப்பட்டுள்ள இந்தப் பிரச்சாரத்தில் தமன்னா மற்றும் லக்ஷ்யா பிராண்ட் அம்பாசிடர்களாக இடம்பெற்றுள்ளனர். இளம் நுகர்வோர் தங்கள் அன்றாட வாழ்க்கையில் பல்வேறு விதங்களில் முன்னேறிச் செல்லும் விதத்துக்கு ஏற்ப உருவாக்கப்பட்ட ஸ்பார்க்ஸின் புதிய ஸ்னீக்கர்கள் மற்றும் பன்முகப் பயன்பாட்டு ஸ்போர்ட்ஸ் ஷூக்கள்தான் இந்தப் பிரச்சாரத்தின் மையம்.

பிரச்சாரம் குறித்துப் பேசிய ரிலாக்ஸோ ஃபுட்வேர்ஸின் இணை தலைமைச் செயல் அதிகாரியும் (Co-CEO) முழுநேர இயக்குநருமான திரு. கௌரவ் குமார் துவா, “இன்றைய தலைமுறைக்கு, சிறப்பு என்பது எங்கோ தொலைவில் உள்ள சாதனையாகவோ, வாழ்க்கையை வரையறுக்கும் மைல்கல்லாகவோதான் இருக்க வேண்டும் என்பதில்லை. அந்தத் தருணத்தில் நீங்கள் எதைச் செய்ய, எதை அனுபவிக்க, எதை வெளிப்படுத்தத் தேர்ந்தெடுக்கிறீர்கள் என்பதே முக்கியம். ‘Greatest of Today’ மூலம், இன்றைய இளம் இந்தியாவின் கலாச்சாரத்துக்கும் மனநிலைக்கும் பொருத்தமாக உணரப்படும் ஒரு சிந்தனையை உருவாக்க ஸ்பார்க்ஸ் விரும்பியது. வலுவான ஸ்டைல் வெளிப்பாட்டைத் தரும் ஸ்னீக்கர்கள், சுறுசுறுப்பான, எப்போதும் இயக்கத்தில் இருக்கும் வாழ்க்கை முறைக்காக வடிவமைக்கப்பட்ட பன்முகப் பயன்பாட்டு ஸ்போர்ட்ஸ் ஷூக்கள் ஆகியவற்றுடன் எங்கள் புதிய கலெக்ஷன் இந்த எண்ணத்துக்கு வலு சேர்க்கிறது. தமன்னாவும் லக்ஷ்யாவும் தங்களுக்கே உரிய தனிப்பட்ட பார்வைகள் மூலம் இந்தச் சிந்தனைக்கு உயிர் கொடுக்கின்றனர்” என்று கூறினார்.

ஸ்பார்க்ஸுடனான தனது இணைவு மற்றும் இந்தப் பிரச்சாரம் குறித்துப் பேசிய இந்திய நடிகை தமன்னா, “‘Greatest of Today’ எண்ணத்தில் என்னை மிகவும் கவர்ந்தது, அது எவ்வளவு உடனடியானதாக உணரப்படுகிறது என்பதுதான். வாழ்க்கையை முழுமையாக அனுபவிக்கிறோம் என்று உணர, ஏதாவது பெரிய விஷயம் நடக்கும் வரை காத்திருக்க வேண்டியதில்லை. புதிய ஸ்னீக்கர்கள் அந்தச் சுய வெளிப்பாட்டு உணர்வை இந்தக் கலெக்ஷனுக்குள் கொண்டு வந்திருக்கும் விதமும் எனக்கு மிகவும் பிடித்திருக்கிறது. இன்றைய இளைஞர்கள் உடை அணியும், புதியவற்றைத் தேடும், முன்னேறிச் செல்லும் விதத்துடன் இயல்பாகப் பொருந்தும் ஒரு சமகால உணர்வு இவற்றில் உள்ளது” என்று கூறினார்.

பிரச்சாரம் குறித்து உற்சாகத்தை வெளிப்படுத்திய லக்ஷ்யா, “G.O.T. எண்ணத்துடன் என்னால் எளிதில் ஒன்றிப்போக முடிகிறது, ஏனெனில் இது நிகழ்காலத்தில் வாழ்வதையும், உங்களை உற்சாகப்படுத்தும் விஷயங்களைத் துரத்திச் செல்வதையும் பற்றியது. நீங்கள் புதியவற்றை முயற்சி செய்கிறீர்கள், போகிற போக்கிலேயே அவற்றைப் புரிந்துகொள்கிறீர்கள், தொடர்ந்து முன்னேறுகிறீர்கள். அந்த ஆற்றல் இந்தக் கலெக்ஷனிலும் பிரதிபலிக்கிறது – உங்களைத் தனித்துக் காட்டும் ஸ்னீக்கர்களாக இருந்தாலும் சரி, சுறுசுறுப்பான நாளுக்கு ஈடுகொடுக்கும் ஸ்போர்ட்ஸ் ஷூக்களாக இருந்தாலும் சரி, இன்றைய இளைஞர்களின் வாழ்க்கை முறைக்குப் பொருந்தும் ஏதோ ஒன்று இதில் இருக்கிறது. ஸ்பார்க்ஸுடன் இணைந்து இந்தப் பிரச்சாரத்தில் அந்த மனப்பான்மைக்கு எனது சொந்தப் பாணியைக் கொண்டு வருவதில் நான் மிகுந்த உற்சாகமாக இருக்கிறேன்” என்று மேலும் கூறினார்.

பிரச்சாரம் குறித்துப் பேசிய முத்ராவின் சீனியர் வைஸ் பிரசிடென்ட் மற்றும் ஹெட் ஆஃப் பிசினஸ் சேதன் சோனி, “ஸ்பார்க்ஸை வெறுமனே இன்னும் இளமையாகக் காட்டுவது எங்களுக்கு வழங்கப்பட்ட பணி ஒருபோதும் இல்லை; ஸ்டைல், அடையாளம், லட்சியம் ஆகியவற்றுடன் ஜென் இசட் தலைமுறைக்கு உள்ள உறவைப் புரிந்துகொள்வதே நோக்கமாக இருந்தது. ஷூ ஒரு தொடக்கப் புள்ளி மட்டுமே; தனித்து நிற்கவும், ஒவ்வொரு தருணத்தையும் அர்த்தமுள்ளதாக்கவும் வேண்டும் என்ற மனப்பான்மையே உண்மையான முன்மொழிவு. எங்களைப் பொறுத்தவரை G.O.T. என்பது ஒரு பிரச்சாரத்தை விட மேலானது; இது ஸ்பார்க்ஸுக்கான புதிய அடையாளம் மற்றும் கலாச்சாரப் பங்கின் தொடக்கத்தைக் குறிக்கிறது” என்று கூறினார்.

தொலைக்காட்சி, அச்சு, டிஜிட்டல் மற்றும் வெளிப்புற ஊடகங்கள் வழியாக G.O.T. எண்ணத்தை நுகர்வோரிடம் கொண்டு செல்லும் இந்தப் பிரச்சாரம், 360 டிகிரி அணுகுமுறையைக் கொண்டுள்ளது; இதன் மூலம் அன்றாட இளைஞர் கலாச்சாரத்தின் ஒரு பகுதியாக மாறுவதற்குப் பல தொடர்புப் புள்ளிகளை உருவாக்குகிறது. ‘Greatest of Today’ என்பதன் கலாச்சார நுண்ணறிவை ஸ்பார்க்ஸின் தனித்துவமான இளைஞர் மைய அடையாளத்துடன் இது ஒருங்கிணைக்கிறது; அதே நேரத்தில், ஒட்டுமொத்தக் கதையாடலில் புதிய காலணி கலெக்ஷனுக்கு மைய இடத்தையும் வழங்குகிறது.

TVC இணைப்பு- https://youtu.be/vejXDDQGkpo?si=V26DHuRrnXBg2hHr

பிபிடிஓ குழுமம் இந்தியாவின் ஒரு பகுதியான முத்ரா வடிவமைத்துள்ள இந்தப் பிரச்சாரம், பிரபலமான கலாச்சாரச் சொல்லான GOAT (Greatest of All Time)-இலிருந்து புதிய உத்வேகம் பெற்று, அதை Greatest of Today (G.O.T) என மறுவரையறை செய்கிறது. வாழ்க்கையைத் தீர்மானிக்கும் ஒரு தருணத்துக்காகக் காத்திருப்பதை விட, தாங்கள் இருக்கும் தருணத்தையே அர்த்தமுள்ளதாக்குவதில் கவனம் செலுத்தும் தலைமுறையை இந்த எண்ணம் பிரதிபலிக்கிறது. இந்தப் பரந்த சிந்தனையின் தூண்டுகோல்களாக தமன்னாவும் லக்ஷ்யா லால்வானியும் தங்களின் தனித்துவமான ஆளுமைகளைப் பிரச்சாரத்துக்குக் கொண்டு வருகின்றனர்; G.O.T. மனப்பான்மையை சமகால இளைஞர் கலாச்சாரத்துக்குள் கொண்டு செல்ல ஸ்பார்க்ஸுக்கு உதவுகின்றனர்.

G.O.T. மூலம், வழக்கமான தயாரிப்புப் பிரச்சாரத்தைத் தாண்டிய ஒரு தளத்தை உருவாக்க ஸ்பார்க்ஸ் இலக்கு வைத்துள்ளது – புதிய தலைமுறை இன்று எப்படி வாழ, முன்னேற, தன்னை வெளிப்படுத்தத் தேர்ந்தெடுக்கிறது என்பதைப் பிரதிபலிக்கும் தளம் இது.